"Arsenal" Obameyang o‘rniga Bundesligadan zo‘r hujumchi topdi

Leverkuzenning "Bayer" klubi forvardi Kevin Folland "Arsenal"ning qiziqishlar doirasiga kirib qoldi.

Sky Sports nashri tarqatgan xabarga ko‘ra “kanonirlar” 27 yoshli germaniyalik futbolchini jamoadan ketmoqchi bo‘lib yurgan Per-Emerik Obameyang o‘rniga munosib nomzod sifatida qarashmoqda.

Ma’lumot uchun, Folland joriy mavsum “Bayer” safida 25 ta o‘yinda maydonga tushdi va 7 ta gol hamda 7 ta golli uzatmaga mualliflik qildi. Uning “dorishunoslar” bilan amaldagi shartnomasi 2021 yilga qadar imzolangan. Transfer narxi esa 35 mln evroga baholanmoqda.