“Barselona”ning sotilmas futbolchisi

“Barselona” direktorlar kengashi a’zosi Xaver Vilyaxoana jamoa hujumchisi Ansu Fati hech qachon sotilmasligini ma’lum qildi.

- Biz pul uchun Fatidan voz kechmaymiz. U asosiy tarkibda o‘ynashi kerak. Yaqin kelajakda u jamoaning eng muhim o‘yinchisiga aylanadi, - dedi Vilyaxoana.

Yaqinda Fati uchun “Manchester Yunayted” 100 million evro taklif qilib rad javobini olgandi.

17 yoshli Fati joriy mavsumda barcha turnirlarda 24 ta o‘yinda 5 ta gol urdi. Uning shartnomasi 2022 yilning yozigacha tuzilgan. Transfermarkt hujumchining narxini 36 million evroga baholamoqda.