"Barselona" Koutinoni muddatidan avval qaytarib olmoqchi

Kataloniyaning “Barselona” klubi yozda “Bavariya”ga ijaraga bergan yarim himoyachisi Filippe Koutinoni muddatidan avval ortga qaytarishni rejalashtirmoqda.

Ispan nashrlarining yozishicha “ko‘k-anor ranglilar” mavsumning ikkinchi qismida jamoaning hujum chizig‘ini kuchaytirishmoqchi va bu borada aynan braziliyalik futbolchini tarkibga qaytarishni o‘ylashmoqda.

Ma’lumot uchun, 27 yoshli Koutino joriy mavsum “Bavariya” safida 24 ta o‘yinda maydonga tushdi va o‘z hisobiga 7 ta gol hamda 8 ta golli uzatma yozdirib qo‘yishga erishdi.