"Barselona" skautlari A Seriya to‘purarini kuzatishmoqda

Kataloniyaning "Barselona" klubi "Jenoa" forvardi Kshishtof Pyontekni sinchkovlik bilan kuzatishni boshladi.

El Mundo Deportivo nashri tarqatgan xabarga ko‘ra “ko‘k-anor ranglilar” skautlari 23 yoshli polshalik futbolchining joriy mavsum A Seriyada ko‘rsatayotgan o‘yinlaridan hayratga tushishmoqda. Qayd etish lozimki, Pyontek chempionatning ortda qolgan 7ta turida raqiblari darvozasiga 12ta gol urishga erishdi va u ayni damda musobaqa to‘purari bo‘lib turibdi.

Ammo, “Barselona” vakillari Pyontekni hali katta jamoalarda o‘ynashga tayyor emas deb hisoblashmoqda. Lekin shunga qaramay uni kuzatishda davom etishmoqchi.