“Barselona” yo‘q bo‘lib ketishi mumkin

​“Barselona” bir necha yildan beri davom etib kelayotgan og‘ir damlardan qutila olmayapti. Klub pora berishda ayblanayotgani holatni yanada murakkablashtirdi.

Bu ishda klubning o‘zi va sobiq prezidentlar – Xosep Bartomeu va Sandro Rossel ayblanmoqda. Bundan tashqari, Hakamlar texnik qo‘mitasi vitse-prezidenti Xose Mariya Negreyra va uning o‘g‘li ham gumondorlar qatoriga kiritilgan. Negreyraning o‘sha paytda davlat xizmatchisi sifatida ishlagani uning javobgarligini yanada og‘irlashtirishi aytilmoqda.

Britaniyaning The Telegraph nashri bu holat “Barselona”ning tamoman yo‘q bo‘lib ketishiga olib kelishi mumkin ekan.

Aybi isbotlangan taqdirda jinoyatga qo‘l urganlar uch yildan olti yilgacha qamaladi. “Barselona”ning o‘zi professional futbol klubi sifatidagi faoliyatidan chetlatilishi mumkin. Bu ishlar 124 yillik tarixga ega klubni bankrotlikka olib boradi, - deb yozdi The Telegraph nashri.

Bundan tashqari, ayni paytda “Barselona” kreditorlar oldida juda katta summa qarz ekani ta’kidlanmoqda.