Beyl qachon maydonga tushishi ma’lum bo‘ldi

"Real"dan "Tottenxem" klubiga qaytgan Garet Beyl "shporlar" safidagi ilk uchrashuvida maydonga tushishga tayyor. "The Telegraph" nashri tarqatgan xabarga ko‘ra, Beyl tizzasi bilan bog‘liq jarohatidan forig‘ bo‘lgan va mashg‘ulotlarga qo‘shilgan.

Nashr ma’lumotlariga ko‘ra, uelslik futbolchi APL 5-turidan o‘rin olgan "Vest Xem"ga qarshi uchrashuvda maydonga tushishi mumkin. Ushbu bellashuv 18 sentyabr kuni bo‘lib o‘tadi.