Bilasizmi? So‘rovnomada Ronaldu Modrichga ovoz bergan, Messi esa Suaresga

Xabaringiz bor kecha London shahrida FIFA laureatlari nomi e’lon qilindi va unda 43,19% ovoz to‘plagan Madridning “Real” klubi hujumchisi Krishtianu Ronaldu ketma-ket 2-marta yilning eng yaxshi futbolchisi deb topildi. Lionel Messi esa 19,25% ovoz olib, 2-o‘rinda qolib ketdi.

Ma’lum bo‘lishicha FIFA so‘rovnomasida ishtirok etgan 32 yoshli portugaliyalik futbolchi yilning eng yaxshi futbolchisi deb jamoadoshi Luka Modrichni tanlagan. Kuchli uchlikka esa yana bir “Real” a’zolari – Serxio Ramos hamda Marselolarni kiritgan.

O‘z navbatida Argentina terma jamoasi sardori Lionel Messi bu borada eng yaxshi deb jamoadoshi Luis Suaresni belgilagan. Kuchli uchlikka esa Andreas Inesta hamda Neymarlarni kiritgan.