"Binokor" fahriylari Sochidagi musobaqada sovrindor bo‘lishdi

Joriy yilning 5-7 iyul kunlari Rossiya Federatsiyasining Sochi shahrida havaskor xokkeychilar ishtirokida fahriyalar o‘rtasida xalqaro turnir bo‘lib o‘tdi.

Unda Toshkentning "Binokor" klubi ham ishtirok etdi. "Sormovo" (Rossiya), "Stark" (Rossiya), "Bolshoy" (Rossiya) va Latviya hamda Shveytsariyadan tashrif buyurgan jamoalariga qarshi bahslarda hamyurtlarimiz 4 ta g‘alaba va 1 mag‘lubiyat qayd etishib, yakunda turnirni ikkinchi o‘rinda yakunlashdi.