"Borussiya" Dortmund Sanchoning maoshini 2 barobarga oshirdi

“Borussiya” Dortmund klubi rahbariyati jamoa vingeri Jeydon Sanchoni o‘tgan mavsumdagi muvaffaqiyatli o‘yinlari uchun munosib rag‘batlantirdi.

Bild nashri tarqatgan xabarga qaraganda dortmundliklar 19 yoshli angliyalik futbolchining yillik maoshini naqd 2 barobarga oshirgan. Aniqrog‘i, u endi 3 million emas, balki 6 mln evro maosh oladi.

Ma’lumot uchun, Sancho o‘tgan mavsum Bundesligada jami 34ta o‘yinda maydonga tushdi va o‘z hisobiga 12ta gol hamda 14ta golli uzatma yozdirib qo‘yishga erishdi.