"Borussiya M" yarim himoyachisi tekinga "Roma"ga o‘tishi mumkin

Italiyaning "Roma" klubi "Borussiya Myunxengladbah" futbolchisi Denis Zakariyani tarkibiga qo‘shib olishi mumkin. Bu haqda futbol insayderi Fabritsio Romano o‘z Twitter sahifasida xabar berdi.

Shveytsariyalik 24 yoshli futbolchiga rimliklar bosh murabbiyi Joze Mourino qiziqish bildirmoqda. "Roma" nemis klubi bilan futbolchi borasida muzokarani yanvar oyida boshlamoqchi.

Zakariya joriy mavsum myunxengladbahliklar safida 5 o‘yinda mayodnga tushishga ulgurdi va hisobiga 2 ta gol va bitta golli uzatma yozdirib qo‘ydi. Yarim himoyachi 2020/21 yilgi mavsumda Germaniya Bundesligasining 25 uchrashuvida harakat qilib, bittadan gol va golli uzatma muallifi bo‘lgan.