Bruno qilgan ishni nega Felish qila olmas ekan?!

Portugaliya terma jamoasi etakchilaridan biri Joau Felish kecha Shveytsariyaga qarshi kechgan bahsda ikki assist muallifiga aylandi. U Gonsalu Ramushning ikki goliga samarali uzatmani amalga oshirdi.

Bu orqali "Atletiko" hujumchisi Portugaliyaning JChdagi bir uchrashuvda ikki golga hammuallif bo‘lgan uchinchi o‘yinchisiga aylandi. Bungacha Xose Torres (1966) hamda Bruno Fernandesh (2022) mazkur natijani qayd etishgan edi. 

Eslatib o‘tamiz, Portugaliya JCh chorak finalida Marokashga qarshi bahs olib boradi.