Bu ishidan keyin Kepaning hurmati oshib ketdi

Angliya Liga kubogining “Chelsi” va “Tottenxem” o‘rtasidagi yarim finalda uchrashuvida g‘alati voqea sodir bo‘ldi.

Maydonga yosh bola yugurib chiqdi va to‘g‘ri “aristokaratlar” posboni Kepa Arrisabalaga tomon yo‘naldi. Dastlab, styuartlar nima voqea sodir bo‘lganini anglamay qoldi. Keyin ulardan biri bolani tutib oldi. Biroq, ishga ispaniyalik darvozabon aralashdi. U stadion xodimlaridan bolaga vaqt berishni so‘radi va qo‘lqopini echib, bolakayga hadya qilib yubordi.

“Chelsi”ning kichik muxlisi uchun bu unutilmas voqea bo‘ldi va u maydonni xushnud holda tark etdi.