Bugun Parij “Katta Dubulg‘a” turnirida ikki dzyudochimiz tatamiga chiqadi

Bugun Frantsiya poytaxti Parij shahrida “Katta Dubulg‘a” turkumiga kiruvchi yangi mavsumning ilk musobaqasi start oladi. 

Mukofot jamg‘armasi 154 000 evroni tashkil etuvchi ushbu turnirda sayyoramizning 4 qit’asi roppa-rosa 50 davlatidan jami 298 (164 erkak, 134 ayol) nafar dzyudochi medallar uchun tatamiga chiqadi. Yurtimiz sport sharafini Bahrom Boturov (-60 kg), Shahram Ahadov (-73 kg) va O‘tkirbek To‘raboev (+100 kg) himoya qiladi. 

Bugun ulardan ikki nafari Bahrom Baturov va tajribali Shahram Ahadov bahslarga kirishadi. Saralash bellashuvlari bizning vaqt bilan soat 14:00da boshlanadi. 

Dzyudochilarimiz uchun Qur’a natijalari:

-60 kg: Bahrom Boturov - Huseyn Allahyarov 

-73 kg: Shahram Ahadov - Hong Nin Mak (Gonkong)/Jerom Zelman (Kot-dʻIvuar)

+100 kg: O‘tkirbek To‘raboev - Amadu Meyte (Frantsiya)