“CAFA U-17 Championship 2025". Superkambek amalga oshirgan o‘smirlarimiz Eronni mag‘lub etdi
Jahongir Inomjonov
Terma jamoamiz finalga yo‘l oldi
“CAFA U-17 Championship 2025” guruh bosqichining so‘nggi turi doirasida O‘zbekistonlik o‘smirlar Eronlik tengdoshlariga qarshi bahs olib bordi. "A" guruhidan o‘rin olgan mazkur bellashuvda hamyurtlarimiz superkambek amalga oshirgan holda 4:2 hisobidagi g‘alabani qo‘lga kiritdi.
Dastlab, 13-daqiqada raqib futbolchisi Abbos Rafi hisobni ochdi. Oradan 5 daqiqa o‘tib esa Mo‘tabar Shamisi oradagi farqni ikkitaga etkazib qo‘ydi.
Mazkur gollarga esa Ahrorbek Ravshanbekov 75', 88', Suxrob Sadirjonov 81', Husanboy Atabekov 90+2' javob qaytarishdi.
Shu tariqa, O‘zbekiston o‘smirlar terma jamoasi o‘z guruhining peshqadami sifatida finalga yo‘l oldi. Finalda ular Tojikistonlik tengdoshlariga qarshi maydonga tushadi.
Izohlar (0)