"Chelsi" qimmatbaho o‘yinchisi borasida takliflarni ko‘rib chiqishga tayyor

"Chelsi" yozda ukrainalik vinger Mixail Mudrik borasidagi takliflarni ko‘rib chiqishga tayyor. Bu haqda Fichajes nashri xabar bermoqda.

Manbaning yozishicha, "ko‘klar" Mudrikni barqaror o‘yin amaliyotiga ega bo‘ladigan klubga ijaraga berish yoki tovon pulini to‘lagan jamoaga qo‘yib yuborishga tayyor. Ayni damda futbolchi xizmatiga "Arsenal" va "Yuventus" jiddiy qiziqish bildirmoqda.

Ma’lumot uchun, Mixail londonliklar tarkibida 25 ta o‘yinda maydonga tushib, 4 ta gol urgan va 2 ta golga assistentlik qilmoqda.