"Chelsi" "sotilmaydigan" himoyachini qo‘lga kiritishga yaqin turibdi
"Chelsi" klubi "Napoli" ximoyachisi Kalidu Kulibali bilan kelishuvga erishdi. Bu haqda taniqli jurnalist Fabritsio Romano xabar berdi.
Manbaga ko‘ra, Kalidu 2027 yilga qadar mo‘ljallangan shartnomaga imzo chekkan. U "aristokratlar" safida yiliga 10 million evro ishlab topadi.
Neapolliklar "Chelsi"ning 38 million evro va turli bonuslardan iborat taklifini qabul qilgan. Tez orada transfer rasman e’lon qilinadi.
Avvalroq, "Napoli" prezidenti Kulibalining umuman sotilmasligini ma’lum qilgandi.
Fikrlar