Dana Uayt: "Boksni qayta tiklab, uni yanada ommalashtiraman"

UFC prezidenti Dana Uayt professional boksdagi rejalari haqida gapirdi.

"Qarang, men boks bilan shug‘ullanish va uni tuzatishga harakat qilish istagimni bildirganimda, bu so‘zlarimda na manmanlik, na kibr bor edi. Lekin ochiq aytaman, boks "buzilgan". Men NFL, NBA va shu kabi yirik tashkilotlar bilan raqobat qilaman. Shanba oqshomida sizning e’tiboringizni tortadigan hamma narsa – bu mening ishim. Men bu biznesda 25 yildan beri ishlayman, 26-yil esa mening boksdagi birinchi yilim bo‘ladi. Albatta, endi Eddi Xirn va Frenk Uorren bilan raqobat qilishga to‘g‘ri keladi, biroq men bu chaqiruvni intiqlik bilan kutyapman", - dedi UFC rahbari.

Ma’lumot uchun, Dana Uaytning maqsadi – professional boksni qayta tiklash va uni yanada ommalashtirish.