"Dinamo" gruziyalik himoyachi bilan kelishuvga erishdi

Superliga yangi mavsumi oldidan «Dinamo» klubi o‘z tarkibini kuchaytirishda davom etmoqda.

Gruziyalik markaziy himoyachi Anton Tolordava «Dinamo» jamoasi bilan bir yillik shartnoma imzoladi. 27 yoshli legioner 2024 yilning oxirigacha Samarqand klubi sharafini himoya qiladi.

O‘tgan mavsumda Qozog‘istonning «Shaxtyor» klubi safida to‘p surgan Tolordava 23 o‘yinda 2ta golga mualliflik qilgan. Ungacha esa Anton Gruziya, Serbiya, Estoniya chempionatlarida faoliyat yuritgan.