Dzyudo. O‘zbekiston terma jamoasi jahon chempionatining yarim finalida Mo‘g‘ulistonga qarshi tatamiga chiqadi

Bolgariya poytaxti Sofiya shahrida dzyudo bo‘yicha kadetlar o‘rtasidagi dunyo birinchiligining aralash jamoaviy bahslari davom etmoqda.

O‘zbekiston terma jamoasi aralash jamoaviy jahon chempionatining 1/2 finaliga qadar Frantsiyani 4:1, Qozog‘istonni 4:3 hisobida engdi. Endi hamyurtlarimiz yarim finalda mo‘g‘ulistonlik dzyudochilarga qarshi tatamiga chiqadi.  

81 kg: Inomjon Bahodirov — Temuulen Bayarjavhlan 

+63 kg: Umida Nig‘matova — Maralmaa Hurelchuluun 

+81 kg: Alibek Durdiev — Amartuvshin Namsrayjav

-48 kg: Dinora Hasanova — Mishil Altanshagay

-60 kg: Muhammadkarim Nosirov — Tegsh-Ochir Narmandah

-63 kg: Maftuna Ahmedova — Tsendbazar Mashbat

Ma’lumot uchun, Mo‘g‘uliston 1/8 finalda Xitoy Taypeyini 4:2, 1/4 finalda ancha kuchli hisoblangan IJF bayrog‘i ostida qatnashayotgan rossiyalik dzyudochilarni 4:3 hisobida mag‘lub etishdi. Bu haqda O‘zbekiston dzyudo federatsiyasi matbuot xizmati xabar bermoqda.