Erondagi prezident kubogidan xushxabar. Guljanoy yana birinchi!

  • 14 mart, 2022, 21:43
  • Baxtiyorjon Toshtemirov
  • 0
  • Olimpizm
CHERY AUTO

Bugun Eron poytaxti Tehron shahrida para taekvondo bo‘yicha Osiyo taekvondo federatsiyasi prezidenti kubogi boshlandi.

E’tiborlisi, ayollar o‘rtasidagi musobaqalarda ishtirok etgan ikki hamyurtimiz – Ziyoda Isoqova hamda Guljanoy Naimova oltin medalni qo‘lga kiritdi.

-47 kg vaz toifasida bahslarda qatnashgan Ziyoda Isoqova yarim finalda ham, finalda ham mezbon Eron terma jamoasi a’zosini mag‘lubiyatga uchratdi va g‘oliblik qo‘lga kiritdi.

Tokio-2020 Paralimpiya o‘yinlari chempioni Guljanoy Naimova esa +65 kg vazn toifasida dunyoda tengsiz ekanligini yana bir bor isbotladi. Iste’dodli sportchimiz yarim finalda eronlik, finalda esa serbiyalik para taekvondochiga qarshi dayanga chiqdi va oltin medalga sazovor bo‘ldi.

Yana bir e’tiborli jihati, Guljanoy Naimova musobaqaning eng yaxshi ayol sportchisi nomiga munosib ko‘rilgan bo‘lsa, terma jamoamiz treneri Bobur Qo‘ziev musobaqaning eng yaxshi treneri deb topildi.

Shu tariqa ayollar o‘rtasidagi bahslarda terma jamoamiz umumjamoa hisobida birinchi o‘rinni egalladi va maxsus kubok bilan taqdirlandi.

Fikrlar

Fikr qoldirish uchun avtorizatsiyadan o'ting!