Ertaga yana bir o‘zbekistonlik MMA vakili Qozog‘istonda jang qiladi

17 mart kuni Qozog‘istonning Almati shahrida MMA kechasi o‘tkaziladi.“Oktagon” promousheni tomonidan tashkil etilayotgan ushbu turnirda bir qator o‘zbekistonlik jangchilar ham ishtirok etadi.

Jumladan, O‘g‘iloy Nasimova, Abdulaziz Sotvoldiev, Abdurahmon G‘ofurov ushbu jang kechasida oktagonga ko‘tarilishi haqida xabar bergan edik.

Bizga ma’lum bo‘lishicha, yana bir vakilimiz “Alpomish” klubi a’zosi, Ilhom Sotvoldiev qo‘l ostida mashg‘ulotlar olib boradigan Murod Nurmatov ham o‘z jangini o‘tkazadi. U qozog‘istonlik Farrux Mirsharipovga qarshi oktagonga ko‘tariladi.

Mazkur janglarda hamyurtlarimizga omad yor bo‘lishini tilab qolamiz!