Erve Renar: Omad tufayli emas, futbolchilarimning iqtidori tufayli g‘alabaga erishdik

JCh-2022 ikkinchi saralash bosqichi doirasidan o‘rin olgan O‘zbekiston hamda Saudiya Arabistoni terma jamoalari o‘rtasidagi o‘yindan (2:3) so‘ng matbuot anjumani bo‘lib o‘tdi. Uning ikkinchi qismida mehmonlar ustozi Erve Renar ishtirok etdi.

«Har ikkala jamoa uchun ham o‘yin qiyin bo‘ldi. Ikiknchi taym avvalida darvozamizga belgilangan penalti futbolchilarimizga biroz ta’sir qildi. Shunday bo‘lsada, yigitlar yaxshi harakat qilishdi va g‘alanabni qo‘lga kiritdik. Qisqa fursat ichida shunday irodali jamoa shakllantira olganimdan xursandman. O‘zbekistonni ham tabriklagan bo‘lar edim. Boisi raqib ham yaxshi o‘yin ko‘rsatdi.

Bugun omad tufayli emas, futbolchilarimizning iqtidori evaziga g‘alabani qo‘lga kiritdik. So‘nggi ikki golga e’tibor bersangiz, individual mahorat evaziga raqib darvozasi ishg‘ol qilindi va shu bois buni omad bilan bog‘lamagan bo‘lar edim.

Saudiyada iqtidorli futbolchilar etarlicha. Masalan «Al Hilol» OChL finaliga chiqdi. Legionerlarni 6 tadan kamaytirish haqidagi ishlarni rahbariyat hal qiladi. Biz esa bor e’tiborimizni oldinda turgan 4 ta bahsga qaratamiz.

To‘g‘ri, biz uchrashuvga 4 kun qolganida yig‘ilgan bo‘lsakda, aslida 3 oy davomida tayyorgarlik ko‘rdik. Umuman olganda, iqtidordi futbolchilar yig‘ilgan jamoaga egamiz. Kuchli raqibga qarshi muxlislarga to‘la stadionda g‘alabani ilib keta oldik.

Ha, O‘zbekistonda ham iqtidorlar ko‘p. Ammo futbolda tushuntirib bo‘lmas narsalar ham ko‘p», - dedi Renar.