Felish: "Qolish imkoniyati bo‘lsa, rad etmayman"

Joau Felish ijara muddati tugagandan so‘ng "Milan"da qolishni xohlayotganini ma’lum qildi. Bu haqda "TuttoMercato" nashri xabar berdi.

- Sizni ruxlantiruvchi futbolchi bormi?

- Men uchun Kaka har doim shunday futbolchi bo‘lib kelgan. U bilan "Milan" haqida gaplashmagan bo‘lsam-da, o‘tmishda fikr almashganmiz. Kaka mening kumirim, biroq, o‘zimni u bilan taqqoslay olmayman. Men u kabi tarixga kirishga harakat qilaman.

- Siz tarixdagi eng yuqori maosh oluvchi portugaliyalik futbolchisiz. Bu haqda fikringiz qanday?

- Hozircha iyungacha ijaradaman. Voqealar rivojini birga kuzatamiz. Menga jamoadagi hamma narsa yoqyapti - klub, odamlar, sharoitlar. Meni juda yaxshi kutib olishdi. Eng muhimi, o‘zimni yaxshi his qiladigan joyda qolish.

Futbolda hamma narsa o‘zgarishi mumkin. "Milan"da qolish imkoniyati bo‘lsa, men buni rad etmayman.

- "Inter" ham sizga qiziqish bildirdimi?

- Ha, buni menga agentim aytdi. U "Inter" qiziqish bildirayotganini ma’lum qilgandi. Biroq, men allaqachon "Milan" bilan muloqotni boshlagan va klubga o‘tish haqida o‘ylayotgan edim, - deya ta’kidladi "Chelsi"dan ijaraga olingan "Milan" yarim himoyachisi.

Ma’lumot uchun, Felish qishki transferlar oynasida "Milan" safiga ijara asosida kelib qo‘shildi. Futbolchining klub bilan amaldagi shartnomasi mavsum yakuniga qadar amal qiladi