FIFA Osiyo termasini futboldan chetlаtish bilan tahdid qildi

Nepalda futbol sohasida jiddiy inqiroz yuzaga keldi va bu holat FIFA tomonidan sanktsiyalar qo‘llanilishiga olib kelishi mumkin.

Mojoro Nepal futbol federatsiyasi (ANFA) va Milliy sport kengashi (NSC) o‘rtasida kelib chiqqan. Bunga ANFA tashkilotining amaldagi vakolat muddati 18 iyunda tugashiga qaramay, 2026 yil 27 mart kuni rahbariyat uchun muddatidan oldin saylov o‘tkazish qarori sabab bo‘ldi.

Bunga javoban 25 mart kuni NSC federatsiya rahbariyati faoliyatini uch oyga to‘xtatib qo‘ydi va tashkilotni milliy sport qonunchiligini buzishda aybladi.

Bu qaror FIFA va Osiyo futbol konfederatsiyasi tomonidan keskin reaktsiyaga sabab bo‘ldi. 5 aprel kuni ular yetti kun ichida sanktsiyalarni bekor qilish talabi bilan ultimatum yo‘lladi. Aks holda, Nepal xalqaro miqyosda zudlik bilan diskvalifikatsiya qilinishi mumkin.

Hozircha vaziyat hal etilmagan. Mamlakatda futbol deyarli to‘xtab qolgan: ichki musobaqalar to‘xtatilgan, o‘rtoqlik o‘yinlari bekor qilingan, milliy terma jamoalar esa xalqaro musobaqalarni o‘tkazib yuborish xavfi ostida qolmoqda.

FIFA va OFK davlat organlari harakatlarini futbol federatsiyasi ishlariga aralashuv deb baholamoqda, bu esa xalqaro qoidalarga zid. Shu bilan birga, Nepal hukumat milliy qonunchilikka rioya qilinishi shartligini ta’kidlamoqda.

Agar tomonlar kelishuvga kelmasa, Nepal barcha xalqaro musobaqalardan chetlatilishi, moliyaviy yordamdan mahrum bo‘lishi va jahon futbolidan to‘liq izolyatsiyaga tushib qolishi mumkin.

Inqiroz allaqachon futbolchilar va klublarga ta’sir qildi: musobaqalar to‘xtagan, sportchilar o‘yin amaliyoti va daromaddan mahrum bo‘lgan, mamlakatda futbol rivoji esa xavf ostida qolgan.