FIFAning taqiqi "Chelsi"ga Kovachich va Iguain bilan shartnoma imzolashga xalaqit bermaydi

"Chelsi"  klubi rahbariyatida “Real” yarim himoyachisi Mateo Kovachich va “Yuventus” hujumchisi Gonsalo Iguain bilan to‘laqonli shartnoma imzolashga ishonch paydo bo‘ldi. Bu haqda Goal nashri xabar bermoqda.

Ta’kidlash kerakki, FIFA tomonidan “aristokratlar”ga yaqin 2ta transfer oynasida yangi futbolchilarni ro‘yxatdan o‘tkazish taqiqlab qo‘yilgan. Biroq, londonliklar Kovachich va Iguainni sotib olib, ushbu taqiqni buzmasliklariga ishonishmoqda.

Eslatib o‘tamiz, xorvatiyalik va argentinalik futbolchilar ayni damda mavsumni ijara asosida “Chelsi”da o‘tkazishmoqda.