Firdavs Hasanovning navbatdagi jang sanasi va raqibi ma’lum bo‘ldi

24 iyun kuni AQShning Michigan shtatida hamyurtimiz, MMA jangchisi Firdavs Hasanov navbatdagi jangini o‘tkazadi.

Maxalliy "Clip MMA" promousheni tomonidan tashkil etilayotgan ushbu kechada yurtdoshimiz mezbon Kris Jonsonga (7-14) qarshi oktagonga ko‘tariladi. Firdavs Hasanov bir necha yillardan buyon okean ortida faoliyat yuritib kelmoqda. Uning professional rekordi 8-4 ko‘rinish olgan. Aslida, ko‘rsatkichlarni qayd etib boruvchi nashrlarda 6-4 deya ko‘rsatilgan bo‘lsa-da, yurtdoshimiz 8 ta jangda g‘alaba qozongan.

Ma’lumot uchun, ushbu jang kechasida yana bir yurtdoshimiz Bobur Tagiev ham jang qiladi. U ham amerikalik Mayk Jonsonga qarshi oktagonga ko‘tariladi.