Flik “Barsa”da o‘ynagan yana ikki yulduzga javob berib yubordi

“Barselona” bosh murabbiyligiga tayinlangan Xans-Diter Flik ishni tarkibni o‘ziga moslashtirishdan boshladi.

Germaniyalik mutaxassislar o‘zi qo‘llaydigan o‘yin uslubiga mos tushmaydigan o‘yinchilarni tarkibdan chiqarmoqda.

Relevo nashrining yozishicha, Flik ijara asosida o‘ynab kelgan portugaliyalik o‘yinchilar Joau Kanselu va Joau Feliksni Kataloniyada olib qolmaydigan bo‘ldi.

Yangi bosh murabbiyga “Manchester Siti” va “Atletiko”dan olingan futbolchilarga mavsum davomida barqarorlik etishmasligi yoqmadi.

Endi bu o‘yinchilar ortga qaytib, o‘zlari uchun yangi ish joyi topishiga to‘g‘ri keladi.