Flik “Real” ustidan qozonilgan g‘alabadan keyin “Barsa”ga katta o‘yinchini olib kelmoqchi

“Barselona” Ispaniya Superkubogida “Real”ni mag‘lub etganidan keyin klub rahbariyatidan katta transferni amalga oshirishni so‘radi.

Germaniyalik mutaxassis shogirdlari orasida “Manchester Yunayted”da ishlari yurishmay qolgan Markus Reshfordni ko‘rmoqchi.

Angliyaning hujumchining universalligini yuqori baholayotgan Xansi Flik “Bavariya”da ishlagan davrdayoq Reshford bilan hamkorlik o‘rnatishga harakat qilgan edi.

“Barselona” rahbarlarining hammasiga ham Flikning talabi ma’qul kelgani yo‘q. Ayrim mutasaddilari Reshfordning inglizchadan boshqa tilda gaplasha olmasligi klubning ichki muhitiga ta’sir qilishini ta’kidlamoqda. “Barselona” o‘yinchilari orasida ingliz tili muloqot tili hisoblanmaydi.