Futzal Osiyo kubogi. "D" guruhida ikki jamoa keyingi bosqich masalasini hal qildi

Indoneziyada o‘tkazilayotgan qit’a birinchiligida 2-tur bahslari davom etmoqda. Dastlab, Eron terma jamoasi Saudiya Arabistoni terma jamoasiga qarshi parketga chiqdi. Uchrashuvda katta qiyinchilikka duch kelgan forslar, yakunda 2:0 hisobida g‘alaba qozonib keyingi bosqich masalasini hal qildi. Guruhning ikkinchi o‘yinida Afg‘oniston vakillari Malayziya terma jamoasini yirik 7:0 hisobida mag‘lub etdi va chorak finalga yo‘l oldi.

Shu tariqa, Afg‘oniston va Eron keyingi bosqich masalasini muddatidan avval hal qildi. So‘nggi turda ikki jamoa guruh g‘olibligi uchun bahs olib boradi.