Garet Beyl "Real"ga qaytishi mumkin

Uelslik yarim himoyachi Garet Beyl yana "Real" libosida maydonga tushishi mumkin.

As nashri futbolchining yaqinlari ma’lumotiga tayangan holda, Beylning Madrid klubiga qaytish imkoniyatlarini o‘rganib chiqdi.

Agar jamoa bosh murabbiyi Zinedin Zidan "qaymoqranglilar" tarkibini tark etadigan bo‘lsa, unda uelslik futbolchining ortga qaytish ehtimoli ortadi. Biroq, "Real" rahbariyati Beyl borasida aniq bir qarorga kelgani yo‘q. Mavsum yakunigacha futbolchi "Tottenxem"da o‘zini yaxshi ko‘rsatadigan bo‘lsa, klub uni transferga qo‘yadi. Aks holda, xavbek yana bir mavsum "shporlar" safida ijarada to‘p surishi mumkin.