Gattuzoga La Liganing mashhur jamoasidan taklif bo‘lmoqda

Italiyalik mashhur mutaxassis Jennaro Gattuzo faoliyatini Ispaniya chempionatida davom ettirishi mumkin. Bu haqda Sport.es xabar tarqatmoqda.

Yuqoridagi manbaga ko‘ra, 44 yoshli murabbiyga "Valensiya" jiddiy qiziqish bildirmoqda. “Ko‘rshapalaklar” Gattuzoga “2+1” ko‘rinishida shartnoma taklif qilishmoqda.

Eslatib o‘tamiz, Gattuzoning so‘nggi ish joyi “Fiorentina” klubi bo‘lgan edi. U ushbu jamoani 2021 yilning may oyida qabul qilib olgan va oradan 1 oy o‘tgach rahbariyat bilan yuzaga kelgan kelishmovchiliklar sabab jamoani tark etgan.

"Valensiya" yakunlangan mavsum La Ligani 9-o‘rinda yakunladi.