Ibragimovich shved klubiga o‘tishiga sha’ma qildi

Yana bir necha kunlardan so‘ng "Los-Anjeles Gelaksi" klubi bilan shartnomasi yakunlanadigan va erkin agentga aylanadigan hujumchi Zlatan Ibragimovich o‘zining kelajagi borasida sha’ma qilib o‘tdi.

Bu safar 38 yoshli shvetsiyalik futbolchi Shvetsiyaning “Xammarbyu” klubiga o‘tishga ishora qildi. Aniqrog‘i, Zlatan o‘zining instagram sahifasida Ibragimovich ismi yozilgan ushbu klub libosida videorolikni joylashtirdi.

Eslatib o‘tamiz, bundan avvalroq Ibragimovichga asosan A Seriya klublari xaridor bo‘lishmoqda. “Milan” va “Napoli” shular jumlasidandir.