Ibragimovich yangi mavsumni qaysi jamoada o‘tkazishi ma’lum bo‘ldi

Shvetsiyalik hujumchi Zlatan Ibragimovich “Milan”da o‘ynashda davom etadi. Bu haqda Football Italia xabar bermoqda.

Yuqoridagi manbaga ko‘ra, 39 yoshli futbolchi tez orada “rossonerilar” bilan amaldagi shartnomasini 2021/22 yilgi mavsum oxirigacha uzaytirmoqchi. Yangi kelishuvga ko‘ra Zlatanning maoshi 7 mln evroni tashkil etadi.

Ibragimovich joriy mavsum A Seriyada 14 ta o‘yinda maydonga tushdi va raqiblari darvozasiga 14 ta gol urdi.