Igor Sergeev gol urgan o‘yinda "Tobol" Qozog‘iston chempioniga aylandi!

Qozog‘iston Premer-ligasi 26-turidan o‘rn olgan "Akjayik" - "Tobol" uchrashuvi yakuniga etdi. Mazkur bahsda mehmonlar 2:0 hisobida g‘alaba qozondi. 

Kustanayliklar safida Igor Sergeev 26-daqiqada hisobni ochgan bo‘lsa, 59-daqiqada Tagibergen oradagi farqni ikkitaga etkazib qo‘ydi. 

Ushbu g‘alabadan so‘ng hamyurtimiz Igor Sergeev to‘p tepayotgan "Tobol" jamoasi 11 yillik tanaffusdan so‘ng yana Qozog‘iston chempioniga aylandi.