Ikki sportchimiz triatlon bo‘yicha Osiyo kubogida shohsupaga ko‘tarildi

Bugun Malayziyaning Kota-Kinabalu shahrida triatlon bo‘yicha Osiyo kubogining navbatdagi bosqichi o‘tkazildi. Quvonarlisi, erkaklar o‘rtasida kechgan bahslarda O‘zbekiston terma jamoasining ikki nafar a’zosi oltin va kumush medallarga ega chiqdi. 

Mazkur tasnifdagi turnirlarda muntazam shohsupaga ko‘tarilib kelayotgan yurtdoshimiz Jeremi Kuindos bu gal eng yaxshi natija qayd etib, oltin medalni qo‘lga kiritgan bo‘lsa, Aleksandr Kurishov kumush medal bilan taqdirlandi. Kuchli uchlikka avstraliyalik Oskar Dart yakun yasab berdi.