Ikrom Aliboevning yangi jamoasini bilasizmi?

Yangi mavsum uchun tarkibini kuchaytirayotgan “Bunyodkor” klubi muxlislarini xursand qiladigan transferlarni tayyorlamoqda.

Sports.uz insayderining xabar berishicha, Ikrom Aliboev “Bunyodkor” klubining taklifini qabul qilgan. Tomonlar o‘zaro kelishuvga ham erishishgan.

Aliboev o‘tgan yil boshida Janubiy Koreya chempionatiga yo‘l olgan bo‘lib, u erda “Kanvon” va “Seonnam” klublari uchun to‘p surdi.

Bu yil Aliboev “Seonnam” safida K-Liga 2 chempionatida 17 ta uchrashuvda qatnashdi va 1 ta golli uzatmani berdi. Kubok bahsida esa u 1 ta o‘yinda maydonga tushdi.

30 yoshli yarim himoyachi Janubiy Koreyada shuningdek, “Seul” va “Tedjon Sitizen”da ham o‘ynagan. Yurtimizda esa “Lokomotiv” hamda “Paxtakor” uchun to‘p surishga ulgurgan. “Bunyodkor” uning O‘zbekiston chempionatidagi uchinchi jamoasiga aylanadi. Qolaversa, milliy terma jamoamizda 28 ta o‘yin o‘tkazgan.