"Inter" Kontega tanish bo‘lgan "Chelsi" futbolchisini sotib olmoqchi

Milanning "Inter" klubi "Roma"ga ketishi kutilayotgan yarim himoyachi Matteo Politano o‘rniga munosib o‘rinbosar topib qo‘ydi.

Italiyalik jurnalis Janluki Di Martsioning xabar berishicha "neradzurrilar" Politano o‘rniga "Chelsi" xavbeki Viktor Mozesni olib kelishmoqchi. Ta’kidlash kerakki, Mozes o‘z vaqtida “Chelsi”da “Inter”ning hozirgi ustozi Antonio Konte qo‘l ostida to‘p surgan.

Ma’lumot uchun, Mozes mavsumni “Fenerbaxche” safida ijarada o‘tkazmoqda. U joriy mavsum 7 ta o‘yinda maydonga tushdi va 1 ta gol hamda 1 ta golli uzatmaga mualliflik qildi.