Isroil klubi nega "Barselona" bilan o‘yinni bekor qildi?

Isroilning "Beytar" klubi va Kataloniyaning "Barselona" klubi o‘rtasida rejalashtirilgan o‘rtoqlik o‘yini bekor qilindi.

The Times of Israel tarqatgan xabarga qaraganda, Isroil klubi "ko‘k-anor ranglilar"ning Quddusga borishdan bosh tortgani sababli 4 avgustga belgilangan o‘yinni bekor qildi.

Bundan tashqari, "Barsa" Falastinni kuchli qo‘llab-quvvatlayotgani uchun ushbu jamoaning Isroildagi xavfsizligi bilan yuzaga kelishi mumkin bo‘lgan muammolar ham o‘yinni o‘tkazilmasligiga sabab bo‘ldi.

"Beytar" endi “Barselona” o‘rniga Rossiyaning “Rostov” klubi bilan o‘rtoqlik uchrashuvi o‘tkazadi.