Jiru yana APLga qaytishi mumkin. Faqat...

Frantsiyalik hujumchi Olive Jiru “Milan”ni tark etib, o‘zi uchun qadrdon bo‘lgan Angliya Premer-ligasiga qaytishi mumkin.

Olive hozircha “rossonerilar” bilan amaldagi shartnomasini uzaytirgani yo‘q. The Sun nashrining xabar berishicha, 36 yoshli frantsiyalik forvardning xizmatlariga bir qancha klublar qiziqish bildirishi mumkin. Bular “Vest Xem”, “Fulxem”, “Kristal Pelas” va “Brentford”. Ushbu jamoalarni gigantlar qatoriga kiritib bo‘lmaydi, ammo Jiruning yoshi endi “Arsenal” yoki hech bo‘lmaganda “Tottenxem” kabi klublarda o‘ynashga imkon bermaydi.

Ma’lumot uchun, Jiru joriy mavsum A Seriyada 21 ta o‘yinda maydonga tushdi va 7 ta gol hamda 4 ta golli uzatmaga mualliflik qildi.