Kaka kimni tanladi: Messi yoki Ronaldu?

"Real" va "Milan" klublari sobiq futbolchisi Kaka Krishtianu Ronaldu va Lionel Messi haqida fikrlarini bildirib o‘tdi.

"Krishtianu bilan birga to‘p surganman, u ajoyib futbolchi, biroq men Messini tanlayman. U daho, haqiqiy istedod. Uning o‘yin uslubiga aql bovar qilmaydi.

Krishtianu - mashina. Gap uning kuchi yoki tezligida emas. U kuchli harakterga ega, doim eng yaxshi bo‘lishni va g‘alaba qozonishni xohlaydi. Ushbu xislatlari orqali meni hayratga solgan.

Sport tarixida Messi va Ronaldu kuchli beshlikka kiradi. Ularning o‘yinini ko‘rishimiz esa bizning omadimiz", - deydi Kaka.