Kecha Qatardan kelib, bugun maydonga tushgan "Navbahor" futbolchisi

Superliga 6-turidan o‘rin olgan "Navbahor" - "Lokomotiv" bahsi bo‘lib o‘tdi. Gollarga boy o‘tgan uchrashuvda maydon egalari 4:0 hisobda g‘alaba qozondi.

Gollarga Jamshid Boltaboev, Odiljon Hamrobekov, Yovan Jokich hamda Siyavash Haqnazari mualliflik qildi. "Temiryo‘lchilr" futbolchisi Dilshodbek Komilov 75-daqiqada qizil kartochka olib maydonni erta tark etdi.

O‘yindagi eng qiziqarli epizodlardan biri bellashuvning 78-daqiqasida ro‘y berdi. Salkam bir oy Qatar yashil maydonlarida Olimpiya terma jamoamiz safida to‘p tepib, "Parij-2024" yo‘llanmasi uchun o‘z hissasini qo‘shgan Ruslanbek Jiyanov 78-daqiqada Asad Sobirjonov o‘rniga maydonga tushdi. E’tiborlisi, u kecha uzoq safardan qaytgan. Shuningdek, "lochinlar" ustozi Samvel Babayanning aytishicha, uning kecha biroz tobi bo‘lmagan. Biroq uning o‘zi bugungi "Lokomotiv"ga qarshi o‘yinda ishtirok etishni xohlagan.