Kepaning bosimi Alvaresga ta’sir qilmadi

“Manchester Siti” – “Chelsi” o‘yinining 30-daqiqasida “aristokratlar” darvozasi tomon penalti belgilandi. 11 metrlik jarima zarbasini Xulian Alvares golga aylantirdi.

O‘sha vaziyatda Kepa Arrisabalaga argentinalik hujumchiga bosim o‘tkazishga harakat qildi. O‘yindan so‘ng 22 yoshli futbolchi ushbu holat bo‘yicha savollarga javob berdi.

“Darvozabonlar har doim o‘z ishini qilishadi. Bu meni umuman bezovta qilmaydi. Qaysi tomonga tepishimni oldindan hal qilgandim va uni amalga oshirdim”, - dedi Alvares.