Konte "Brayton"ga qarshi bahsda "Tottenxem"ga yordam bera olmasligi mumkin

"Tottenxem" bosh murabbiyi Antonio Kontening koronavirusga topshirgan testi ijobiy natija ko‘rsatgan. Bu uning virus yuqtirib olganini anglatadi. 

Shu sababli, italiyalik mutaxassis karantinga olingan. U shanba kuni bo‘lib o‘tishi rejalashtirilgan "Brayton"ga qarshi bahsni o‘tkazib yuborishi mumkin.

Biroq "Tottenxem" shifokorlarining ma’lum qilishicha, murabbiy shanba kuniga qadar virusdan tuzalishi ham mumkin. Agar Kontening holati yaxshilanmasa, u uchrashuvni yolg‘iz o‘zi ekran qarshisida ko‘rishga majbur bo‘ladi. 

Ma’lumot o‘rnida, "shporlar" ayni payt APL turnir jadvalida 31 o‘yindan so‘ng 57 ochko to‘plagan holda, 4-o‘rindan joy egallagan.