Kurashchilarimiz Osiyo chempionatida 15 ta medal qo‘lga kiritdi
Javohir Malikov
Danang shahrida sport kurashlari bo‘yicha U-23 yosh toifasidagi Osiyo chempionati yakunlandi
Vyetnamning Danang shahrida sport kurashlari bo‘yicha U-23 yosh toifasidagi Osiyo chempionati yakunlandi. Musobaqaning so‘nggi kunida erkin kurashchimiz Fazliddin Nasriddinov -74 kg vazn toifasida bronza medaliga sazovor bo‘ldi.
Shu tariqa, musobaqada O‘zbekiston terma jamoasi vakillari barcha yo‘nalishlarda jami 5 ta oltin, 4 ta kumush va 6 ta bronza medallarini qo‘lga kiritishdi.
Ertadan ushbu shaharda U-17 yosh toifasidagi qit’a birinchiligi start oladi. Bu haqida MOQ xabar bermoqda.
Izohlar (0)