Kurtuaning agentini nega hibsga olishdi?

Madridning "Real" klubi darvozaboni Tibo Kurtuaning agenti Kristof Xenrotay qonunni buzgani aytilmoqda.

RTBF nashri tarqatgan xabarga ko‘ra Xenrotay futbolchilarning transferlari paytida pul yuvish va korruptsiyada gumonlanib Monakoda qo‘lga olingan. Ayni damda u politsiya mahkamasida guvohlik bermoqda.

Ta’kidlash kerakki, Belgiya federal prokraturasi agentning qo‘lga olinganini tasdiqladi, biroq bu boradagi boshqa ma’lumotlarni oshkor qilishni xohlamadi.