Laporta: Uni “Barsa”dan ertaroq haydashim kerak edi!

“Barselona” prezidenti Joan Laporta sobiq bosh murabbiy Ronald Kumanning unga etarli vaqt berishmagani haqidagi fikriga javob qaytardi.

- O‘tgan mavsum oxirida Kuman faoliyati haqida juda ko‘p mulohazalarim bor edi va buni uning o‘ziga aytdim. U ishini davom ettirishni istadi. Men uni hurmat qilardim, lekin noto‘g‘ri yo‘ldan ketayotganimizni sezib qoldim va qaror qabul qilishimga to‘g‘ri keldi.

Men buni hurmat bilan amalga oshirdim. Hozir ortga nazar tashlab, uni ertaroq haydashim kerakligini anglab turibman. Kuman buni og‘ir olgan bo‘lsa, vaqt o‘tishi bilan unutilib ketadi, - dedi Laporta.

Ronald Kuman jamoani 2020 yilning avgustida qabul qilib olib, bir yildan ko‘proq ishladi va uning qo‘l ostida kataloniyaliklar faqatgina Ispaniya kubogida g‘olib chiqdi.