Lazizbek Mirzaev Ispaniyadagi ilk golini urdi!

O‘zbekistonlik yosh va umidli futbolchi Lazizbek Mirzaev "Leganes B" tarkibida o‘zining debyut golini kiritishga muvaffaq bo‘ldi.

Uning jamoasi "Deportivo Toledo"ga qarshi o‘rtoqlik uchrashuvida 4:2 hisobida g‘alaba qozondi. Ushbu bahsda Suleymon Haddadi dubl qayd etgan bo‘lsa, Mirzaev va Xorxe Errero o‘z hisoblariga bittadan gol yozdirib qo‘ydi.

Ma’lumot uchun, 19 yoshli Lazizbek 2025 yilning yanvar oyida "Lokomotiv"dan "Leganes" klubiga o‘tgan edi.