Lempard: Biz boshqalardan nusxa olmaymiz

Londonning "Chelsi" klubi bosh murabbiyi Frenk Lempard jamoasi to‘g‘ri yo‘ldan ketayotganini aytdi.

“Liverpul” va “Manchester Siti” haqida gapirmoqchi emasman. Ular top darajadagi o‘yinchilar va murabbiylarni olib kelish bilan katta ishni amalga oshirishdi. Ularning darajasiga tezda etib olamiz deyish aqlsizlik bo‘ladi. Biz boshqalardan nusxa olmasdan, o‘z yo‘limizdan borishimiz kerak. Tarkibimizda yosh futbolchilarning o‘sishiga ko‘maklashuvchi tajribali futbolchilar bor. Biz to‘g‘ri yo‘ldan ketayotganimizga ishonamiz”, - deydi Lempard.

APLning 29 turidan so‘ng “Chelsi” musobaqa jadvalida 4-o‘rinda bormoqda.