Lindelyof bugun MYuga yordam bera olmaydi

Shvetsiyalik futbolchi Angliya Premer-ligasi 13-turidan o‘rin olgan "Kristal Pelas"ga qarshi kechgan uchrashuvni to‘liq o‘tkazgan edi. Biroq aynan mazkur o‘yinda kichik jarohat olgani aytilmoqda.

Lindelyof tibbiy ko‘rikdan o‘tgach aniq tashhis qo‘yiladi va safga qaytish muddati aniq bo‘ladi. U dekabr oyi so‘nggiga qadar maydonga tusha olmasligi aytilmoqda.

Bugun shuningdek Markos Roxo ham "qizil iblislar"ga yordam bera olmaydi. Ma’lumot uchun, "Manchester Yunayted" - "Yang Boyz" o‘yini Toshkent vaqti bilan soat 01:00 da start oladi.