"Liverpul" hujumchisi Madridga ko‘chib o‘tishi mumkin!

"Liverpul" a’zosi Luis Dias faoliyatini Ispaniyada davom ettirishi mumkin. Bu haqda "Todofichajes" nashri xabar qildi.

Unga ko‘ra, hujumchini "Atletiko Madrid" o‘z safiga qo‘shib olmoqchi. "Matraschilar" yozgi transferlar oynasida futbolchi uchun 70 million evro sarflashga tayyor. Avvalroq vingerga "Barselona" ham qiziqish bildirayotganligi haqida yangiliklar paydo bo‘lgan edi. 

Ma’lumot uchun, 28 yoshli vinger joriy mavsumda APLning 27 ta uchrashuvida maydonga tushib, 9 ta gol va 3 ta assistni o‘z hisobiga yozdirib qo‘ydi. Diasning  "qizillar" bilan tuzgan amaldagi shartnomasi 2027 yilning yozigacha mo‘ljallangan bo‘lib, uning Trasfermarkt portalidagi narxi 85 million evroni tashkil qiladi.

                                                                                                                                                                                                           Ruzmatov Muhammadqodir